منتديات حكيات الحب


«®°·.¸.•°°·.¸¸.•°°·.¸.•°®»اهلا ومرحبا بكم في منتديات علاوي«®°·.¸.•°°·.¸¸.•°°·.¸.•°®»
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 نكت هههه سخيفة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
makkram
Admin
avatar

عدد الرسائل : 88
العمر : 23
البلد : والله انا عراقي فـ بعد ابكيفكم اصدكون و الا لا
تاريخ التسجيل : 30/07/2008

مُساهمةموضوع: نكت هههه سخيفة   الجمعة أغسطس 01, 2008 10:39 pm

• واحد قتل ابوه ليش؟
علمود يروح سفره للايتام

• ليش البخيل من هو نايم يغمض عين ويفتح عين؟
لان ماخذ نصف حبايه منوم

• ديج معلق صوره بيضه ليش؟
صورة و هو صغير

•واحد كان بيبع بيض وخسر ليش؟
لانه كان بيبعه على السكين

• ثلاثه حكم عليهم بالأعدام قالو للأول تريد تعدم بالسيف لو بالمنشار قال بالمنشار شغلو المنشار مااشتغل قالوا براءه قالوا للثاني قال بالمنشار شغلوا المنشار ما اشتغل قالوا براءه قالوا للاخير و انت قال بالسيف صاحوا الحاضرين لا لا قل بالمنشار رد عليهم قال مايشتغل خربان فأعدموه .

• مجنون و مجنونة كانوا يتمشون قرب مسبح مستشفى المجانين ... فالمجنون رمى نفسه فى المياه والمجنونة راحت انقذته اتى الدكتور ثانى يوم للمجنونة وقال لها عندى لكى خبر حلو و التانى موزين الاول انتى صرتي زينة وراح تخرجين من المستشفى ، والثانى صاحبك المجنون شنق نفسه قالت :لا ..هذا اني علقته حتى ينشف.

• اتنين مساجين عملوا خطة وقالوا نكسر الباب ونضرب الحارس كسروا الباب و ما لقوا الحارس بقوا ينتظروا

• ذبانتين تتفرج على التلفزيون طلع اعلان مال بيف باف قالت الذبانه لصاحبته قومي طلع فلم رعب

• عراقي شرب نفط ودوه للمستشفى الاطباء لزموا سرة علية


· واحد من سوگ مريدي... إشتره حليب طلع إكسباير... گام زور التاريخ مالته وشربه.

· بخيل الله رزقه بعماره.... إشتغل بيهه حارس.

· جرادة سكرت......... إكلت الأخضر واليابس.

· واحد لابس جواريب خضر... لأن خضر لبس جواريبه.

· عجوز شافت مراية مشموره بالشارع.. شالتهه وتباوعت بيهه.. قالت: آها.. أگول ليش ذابيهه.

· غبي دخل فندق خمس نجوم، راد يروح للتواليت.. شاور الموظفه: وين التواليت رجاءاً؟.. گالتله :اها.. التواليت؟.. إسأل بالجهه الثانيه، راح إلها من اذانها الثانيه وشاورها: العفو.. وين التواليت رجاءا؟

· غبي لازم فردة حذاء ويعامل أبو المحل: بيش هاي الحذاء؟ قال له: بسبعتالاف.. قال له: زين واذا اخذنا الفردتين متنزللنه شويه من السعر؟

· خبيث شاف واحد غرگان ويصيح: ياناس ياعالم ما أعرف أسبح.. قال له: عبالك بالصياح تگدر تتعلم سباحه؟

لا بابه لا..عافه وراح

· غبي دعمته سياره، سأله المحقق(هم غبي )شگد رقمهه؟ قال: 2499 قال له المحقق: أها.. يعني گول 2500

· غبي سأله صاحبه: مالگيتلك مصري يساعدك؟ گال له: والله لگيت سوداني شغلته مصري عندي.

· حشاش قال لابو التكسي: توديني وين؟ وادفعلك شگد؟.. أبو التكسي هم محشش.. قال: له أنزل هنا وإدفع شگد ما يعجبك.

· بطل بيبسي يبچي.. يقول: ليش السفن أبيض مني؟

· غبي كل مرة يطبگ باب الثلاجه على كيف .. قالوا له ليش؟.. قال: أريد أعرف منو يطفي الضوه جوه؟

· واحد راح للطبيب قال له: دكتور عندي حالة نسيان شديد.. قال له الطبيب : ومن إشوكت عندك هذي الحاله؟ ..

قال له: ياحاله دكتور؟

· اغبياء تلاثه أخذوا مقـاولة مد الكيبل الضوئي من بغداد للرمادي وقسموا العمل بيناتهم واحد يحفر وواحد يمد الكيبل والثالث يدفن..غاب اللي عليه شغلة مد الكيبل.. الجماعه إستمروا واحد يحفر وواحد يدفن.

· واحد گال للحلاق: تره صارلي ساعتين هنا، الحلاق غبي ..قال له: شنو يعني؟ اني صارلي سنتين ها.

· احول دخل بالجيش ... حطوه بقسم القصف العشوائي.

· تاجر بخيل شاف روحه يوزع فلوس بالحلم، صحه من النوم گال التوبه إذا أنام بعد.

· واحد متدين بالجديد أتصل على الأم بي سي گالوا له: شتحب تسمع؟ قال مقطع من اذان المغرب بصوت مايكل جاكسون .

· واحد غبي تزوج وحده اغبى منه، صار عدهم ولد .. يلعبوه يقولون: أغغغغغ ... يقول الطفل: شنو؟؟

· بدوى اول مرة يشوف فلبيني قال: هنياله شبعان نوم.

· واحد خبيث سمع أكو مجاعة بأفريقيه ،گام دگ رقم لاعلى التعيين بالصومال، وتدريع وسد السماعة .

· ولد عمره 8 سنوات يسوق سيارة ، سالوه منينلك؟ قال: كتبت لأبويه ويه القرطاسيه مقطاطه أم السياره، جابليّاهه ويه المقطاطة.

· غبي ضيع مفتاح سيارته اجوي الناس يساعدوه، فتحوله باب السياره بالدرنفيس، گام سوه نسخة من الدرنفيس.

· واحد خبيث سكن بالنجف، يوميه يإخذ المسجل مالته ويروح للمگبره، يفتر بين الگبور إمعلـّي صوت المسجل على

اغنية (الحياة حلوة).

· بخيل سأل مرتة إشطابختلنهة اليوم؟ قالت باگلله ودهن، قال: حــــيل!! طبختين بفد وجبه؟

· اغبياء سووا مظاهرة تضامن مع الفلسطينيين.......... لبّسوا واحد منهم شارون، وحرگوه.

· واحد حب يتذكر ايام الطفوله... بال على نفسه.

· واحد راح للصيدليه طلب كارتونين نيفيا، الصيدلاني قال له: إشدعوه هالكميه؟ قال : يمعود بس خادمك حمودي

يتريگ باليوم باربع علب.

• معلم يدرس اغبياء... يكتب وهمه يكتبون وراه... مسح ألسبورة، گاموا كلهم مسحوا الدفاتر-----
• غبي دخل امتحان ماجاوب كتب توكلنا على الله كتبله المدرس صفر في سبيل الله
• واحد شاف سيارة ام خمسة كير فراح اشترة مثلها و سئل ابو السيارة هذا الكير الخامس شيسوي قال: لمن تريد تطير خلي علخامس قال: زين. ديمشي بالشارع اللي اشترة منه السيارة شاف ازدحام كال اجة وكتك يالكير الخامس
.
• فلاح مربّي أرانب بالمزرعه مالته، كل يوم ياكلن 20 كيلو جزر.. آخر شي ضاج گام شلع سنونهن... إجه وره يوم شاف الجزر خلصان.. قال لهم: وين الجزر؟؟ قالوا: ثويناه عثير وثربناه.
• واحد گل لصاحبة: ماظلت وحدة بنفسي من البنات ماخلليتهه تركض ورايه.. قال صاحبه: شچنت تسويلهن؟؟ گلله: أبوگ جنطهن...
• واحد خبيث ديموت.. بآخر نفس ويوصي ولده بالخباثة... أخير شي راد يتشاهد، گام الزغير سد حلگه.
إعلان من وزارة الكهرباء بمناسبة إقتراب فصل الصيف في العراق - هفي بيدك محد يفيدك
واحد ضرب كيكي .. راح الكيكي لم 100 واحد من عمامه وراح لبيت الضارب دك الباب طلعله الضارب كاله الكيكي :هذوله كلهم يكرهوك
اعمى گام يشوف صار بيه شلل من الفرحه.
واحد متعاجز حيل... مرته طرقت الباب قال لها: انت طالق.
احد فتح مدرسه للخباثه.. لما كمل عدد الطلاب سدهه .
احد قالوا له :اشسميت ابنك؟ قال مامستعجل... قالوا لي راح تنزل حروف جديده.
ذبانه تصيح وزززززززززززززززز وگعت انكسر سنهه كام تصيح وثثثثثثثثثثثثثثثثثثثثثثث.
ماعة سمعوا عن المخطط الامريكي بالعراق قدموا على قطع اراضي بيه
عجوز شافت ذيب، خافت.... گللهه لاتخافين ماأحب النواشف.
سأل الاستاذ الطالب :ماهو السلسبيل؟ قال :هو الطرطريق استاذ.
فيل طب للگهوه.. طلب نرگيله بدون قمچي.
واحد راح للحج، مطرت... خابر اهله قال لهم: غطوا الاسمنت .
وحده قالوا لها :بيتك مليان تراب.. قالت صوچ رجلي ميسمع غير اغاني قديمة.
واحد خبيث قال لحرامي علمني البوگ واعلمك النذاله... الحرامي باگ محفظه گدامه قال له شوف شلون ابوگ .. يلله علمني خباثه... الناصريه گام يصيح: حرامي.... حرامي...
طبيب خابر الشرطه قال لهم: شرد من المستشفى واحد مخبل حيل اصلع وشعره مكفش.. قالوا له شلون تصير؟؟ أصلع وشعر؟؟ قال مو گلتلكم مخبل حيل.
خبيث بالسينما، ماكو غيره وواحد لاخ.. گام گعد وره ذاك وقال له : بلكي شويه تدني راسك اخي.
فديوم سعودي راح زيَن يم سوري طلع اكرع.. ليش؟ كلما يكله السوري شو رأيك ..يجاوب السعودي ...ما كصرت
غبي سمع أكو حقل مزروعه بيه ألغام...راح ثاني يوم يسگيهن.
أحول اشتره ديچ طلع الديچ همينه احول اجه يحطه بالقفص حطه بره.... الديچ على أساس لوتي راد ينهزم دخل بالقفص.
مرة شيخ ديضرب ضربة جزاء اجتي بالعارضة حسبوهة كول ليش ؟؟ يكلك انما الاعمال بالنيات!
طفل احول لگه بالشارع عشرين گام يصيح: هيه هيه اربعين اربعين.
فد واحد مات ابوه حط لافته بالسوگ: يونس ينعى اباه ويصلح الساعات.
فد واحد خبيث يوصي ولده: ما أوصيكم بالخباثه ويلادي ...الخباثه الخباثه.. ثم الخباثه. قالوا له: ولايهمك... لمن مات ذبوا جثته بالزباله.
مسلم زار هندوسي يباركله بالمولود الجديد.. سأله: ولد؟؟ قال:لا ... قال إذن بنيه... الهندوسي تعجب.... ورأسا أعلن إسلامه.
أحول راد يكتل ذبانه.. كتل اللي بصفهه.
سألوا واحد : شنو الطير الي يبدأ اسمه بحرف الكاف ؟؟ قال كنتاكي
واحد قالت له مرته: آني أحبك.. قال لها : خللي علاقتنه صداقة بس.
واحد قالوا له: إبنك أجته طلقه تايهه.. قال: أصيل... أكيد راح يدليهه.
غبي قالوا له الحفله تنكريه.. دز أخوه ابداله.
واحد لوتي سألوه: امك حيه؟؟ قال لا عقربه قالوا له: لأ.. يعني هيه عايشه؟؟ قال: لا خديجه قالوا له: قصدنا عدله؟؟ قال: لعد قابل عوجه.
عجوز اجه ابنهه نص الليل سكران.. قالت له: ماشاء الله متأخر؟؟ .. لا وچماله ريحة القمار مالتك واصله للسمه.
مصرية تعاركت ويه وحده بدويه.. قالت لها .: غوري، گتك نيله.. قالت لها : انا غوري يادلة الگهوه؟؟
واحد قالوا له: نحزرك حزوره وإذا عرفتهه ننطيك نص مليون.. قال: لعد والنص الثاني المن؟
أحول راد يحج لمكة، ركب للبحرين.... وصلهه شافهه أربعة.
واحد قال له لطبيب: يوميه تمشي 10 كيلومترات... خابره وره شهرين قال له : دكتور آني هسه بعرعر... أرجع لو أطلع گبل؟؟
وحده قالت لها جيرانه: اني مسويه ميك أب.. قالت لها: وأني مسويه شيخ محشي.
قرر أحد الاثرياء أن يهدي الى سياسي سيارة فخمة.فأحتج هذا قائلاً :لا يمكنني أن أقبل منك السيارة .فتلك تعد رشوة.
فأقترح الثري مخرجاً أن يبيعه السيارة بعشرين دولاراً.فرد السياسي : في هذه الحالة سأخذ سيارتين
طيار وگعت بيه الطيارة ... لمن لگوا الصندوك الاسود سمعوه يقول للمساعد: ماتفكلنه جامة الشباچ شوية من يمك!
واحد دخل لمحل تجهيزات رياضيةسال : ماعدكم احذية مال هجوم؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت هههه سخيفة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات حكيات الحب :: منتديات الفكاهات :: منتديات النكات ههههه-
انتقل الى: